Mafanikio ya Kipindi cha Miaka Mitatu ya Serikali ya Awamu ya Sita (2021 – 2024): Taarifa Kuhusu Maendeleo na Utendaji katika hifadhi za Taifa

 

Makala hii inaelezea mafanikio yaliyopatikana katika Hifadhi za Taifa Tanzania (TANAPA) katika kipindi cha miaka mitatu ya uongozi wa Serikali ya Awamu ya Sita. Katika mkutano uliofanyika mbele ya wahariri wa vyombo vya habari jijini Dar es Salaam tarehe 21 Machi 2024, Kamishna wa Uhifadhi wa TANAPA, Ndugu Juma Nassoro Kuji, alitoa taarifa kuhusu mafanikio hayo.

Kukuza na Kuendeleza Shughuli za Utalii:

1. • Filamu ya "Tanzania: The Royal Tour" iliyoongozwa na Rais Samia Suluhu Hassan ilichochea ukuaji wa utalii baada ya janga la COVID-19.
   • Ongezeko la idadi ya watalii katika Hifadhi za Taifa, kutoka 485,827 mwaka 2020/2021 hadi 1,514,726 mwaka 2023/2024.
   • Ongezeko la mapato ya TANAPA, kutoka shilingi bilioni 174 mwaka 2021/2022 hadi shilingi bilioni 340 mwaka 2023/2024.

Kuongezeka kwa Masoko Mapya ya Utalii:

• Ukuaji wa masoko mapya ya utalii kutoka nchi kama China, Urusi, na Israel.

Kutambulika Kimataifa:

1. • TANAPA ilipokea tuzo ya "Best Practice Award" kutoka European Society for Quality Research (ESQR) kwa miaka mitatu mfululizo.
   • Hifadhi za Taifa Serengeti, Tarangire, na Kilimanjaro zilipokea tuzo mbalimbali za kimataifa.
     
     
     Kuongezeka kwa Uwekezaji wa Malazi:
2. • Ongezeko la maeneo ya malazi katika Hifadhi za Taifa, kutoka vitanda 5,755 mwaka 2021 hadi vitanda 10,094 mwaka 2024.
Kuongezeka kwa Bidhaa za Utalii:

• Ongezeko la aina mpya za utalii kama utalii wa faru, utalii wa baiskeli, na mbio za marathon.

Kujiunga na Mfumo wa Utoaji wa Huduma kwa kiwango cha Kimataifa (ISO):

• TANAPA ilikubaliwa na Shirika la Viwango Duniani (ISO) kwa utoaji wa huduma bora.

Kuimarishwa kwa Miundombinu:

• Ujenzi na ukarabati wa barabara, madaraja, na viwanja vya ndege katika Hifadhi za Taifa.

Utangazaji wa Vivutio vya Utalii Kidigitali:

• Kuongezeka kwa wafuasi kwenye mitandao ya kijamii ya TANAPA.
• Usanifu wa taarifa za kidigitali za TANAPA kwa urahisi wa upatikanaji wa habari.

Ushirikishwaji wa Jamii katika Uhifadhi:

• Miradi ya kijamii kama ujenzi wa madarasa na zahanati imefadhiliwa.
• Utekelezaji wa miradi ya uzalishaji mali kama ufugaji wa nyuki na uchakataji wa viungo vya chakula.
• Ufadhili wa masomo kwa wanafunzi na uandaaji wa mipango ya matumizi bora ya ardhi na hati za kimila kwa jamii.

Elimu kuhusu Uhifadhi na Upandaji wa Miti:

• Ongezeko la idadi ya wananchi wanaofikiwa na elimu ya uhifadhi.
• Uendeshaji wa programu za upandaji miti na kuibua miradi ya kijamii.

Ushughulikiaji wa Migogoro ya Mipaka na Wanyama Wafugaji:

• Utatuzi wa migogoro ya mipaka na kudhibiti wanyama waharibifu.

1. Shirika la Hifadhi za Taifa Tanzania litataendelea kusimamia jukumu la kuhifadhi maliasili zote na kutunzwa kikamilifu wakati wote. Ulinzi wa malisili, usalama wa watalii, usalama wa watumishi wa TANAPA, na usalama wa wawekezaji utaendelea kuimarishwa wakati wote ili kuhakikisha kuwa Hifadhi za Taifa Tanzania zinaendelea kuwa ni maeneo salama na sahihi kwa watalii na wawekezaji.
   Kamishna Kuji alitoa wito wa kuwakaribisha wawekezaji kuwekeza katika maeneo yaliyoainishwa katika Hifadhi za Taifa kwa nia ya kuboresha huduma za malazi kwa wageni. Sambamba na uwekezaji, Kamishina Kuji alitoa wito kwa watanzania kutembelea hifadhi zetu kwa ajili ya kujivinjari na kupumzika.